Автомарафон Тошкент – Термиз – Орол денгизи

Саёҳатимиз тантанали равишда эрталаб 7:30 да Тошкентда бошланади. Йўлда Сирдарё ёқасида тўхтаб тоғ манзараларини томоша қиламиз (80 км). Тушликка қадар Янгиердан ўтиб Зоминга етиб оламиз. Тушлик меҳмонхонада ёки Шербулоқ ёнидаги Суфа довонида бўлади. Йўлда давом этамиз ва кечга қадар Самарқандга етиб олиб, меҳмонхонага жойлашамиз.

Бу кун сизни қуйидагилар кутмоқда:

• Канка шаҳарчаси – Тошкент вилоятидаги энг катта ва қадимий шаҳарча булиб, у милоддан аввалги 4 аср охиридан 12 асргача мавжуд бўлган.
• Зоминнинг қуюқ арчали ўрмонзорлари.
• Суффа баланд тоғ манзарали платоси.
• Халқ орасида "Бобоёнғоқ" (ёнғоқ бобоси) деб аталадиган, баландлиги 20 метрга етадиган 1001 ёшли ёнғоқ дарахти.
• Баландлиги 400 метрлик Чартанга дараси.

Нонуштадан сўнг Шахрисабз томон йўлга чиқамиз. Пачкамар орқали Дербанд қишлоғига борамиз, сўнгра манзарали Мочай қишлоғига сайр қиламиз. Йўлда давом этамиз ва Тахта-Қорача довони ва Шайтон-Жилға платосидан ўтамиз. Олдимизда улкан дара пайдо бўлади, баландлиги тахминан 100 метр, бу бир неча юз йиллар давомида дарё оқими сабабидан юзага келган. Кечгача Бойсун шаҳарчасига етиб оламиз ва ЮНЕСКО моддий меросига киритилган фольклор шоуни томоша қиламиз. Тунни чодирли лагерда ўтказамиз.

Бу кун сизни қуйидагилар кутмоқда:

• ЮНЕСКО жаҳон мероси рўйхатига киритилган шаҳар Шахрисабзга саёҳат.
• Руҳиятингизни тетиклаштирувчи Дарбанд ва Бойсун дараларига саёҳат.

Нонуштадан сўнг Денов томон йўл оламиз. Йўл-йўлакай гўзал Сангардак шаршарасини кўрамиз ва бироз табиатнинг улуғвор мўъжизасидан баҳраманд бўламиз. Шундан сўнг, Шош довонидан ўтамиз, тушлик қиламиз ва сафаримизни Термиз томон давом эттирамиз. Термиздан 60 км масофада жойлашган Қумқурғон сув омбори ва Жарқўрғон минорасини кўрамиз. Кечқурун Термиз шаҳрига етиб борамиз.

Бу кун сизни қуйидагилар кутмоқда:

• Сангардак кўп ирмоқли шаршараси – бутун Ўзбекистонинг энг гўзал диққатга сазовор жойларидан бири. Бу жой энергияга тўла ва ҳиссиётларга бой.
• Жарқўрғон минораси (XI аср) – Қорахонийлар сулоласининг Ўзбекистон ҳудудидаги ягона ўзига хос ёдгорлиги. Минора ноёб тарзда курилган, унда Ҳиндистон ва Хуросон биноларига хос тарзда ғиштлар терилган.

Нонуштадан сўнг Термизнинг диққатга сазовор жойлари билан танишамиз. Қадимги қалъалар ва будда ёдгорликларини кўрганимиздан сўнг, Ғўзорда тушлик қиламиз ва Қарши шаҳрига кетамиз. У ерда очиқ осмон остидаги ҳарбий музейни кўрамиз ва йўлда давом этиб Бухорога етиб борамиз.

Бу кун сизни қуйидагилар кутмоқда:

• Кўплаб сир ва афсоналар билан боғлиқ қадимий Қирққиз қалъаси. Маълумотларга қараганда бу ерда 40 та жасур қиз бўлган, уларга ҳужум қилган кўчманчиларга қарши курашишган.
• Қоратепа – эски Термизнинг шимолий-ғарбий қисми тепаликда қурилган ибодатхона.
• Қаршидаги ер ости музейи ва ҳарбий техника парки. Бу ерда аскарларнинг уруш йилларидаги муҳити кайта тикланган.

После четырехдневной интенсивной и насыщенной впечатлениями поездки мы предусмотрели для вас свободный день в Бухаре. В этот день вы сможете просто отдохнуть по своему усмотрению или выбрать для досуга один из двух вариантов:

• Бухоронинг эски шаҳар марказига Саёҳат. Самарқанд ва Хива билан бир қаторда Бухоро ҳам жаҳон маданий ва тарихий хазинаси ҳисобланади. Биз жуда машҳур булган Лаби-Ҳовуз бўйлаб юрамиз ва яна архитектура дурдонаси бўлган Магоки-Аттор масжиди, тўртта минораси бўлган ғаройиб Чор-Минор мадрасаси, қадимдан бери савдо олиб борилаётган гўмбазлар остидаги бозор, афсона билан қопланган Минораи Калон ва бошқа кўплаб жойларни кўрамиз.
• Тўдакўлга Саёҳат. Бу кўл ёки чўл ўртасидаги сув омбори ҳақиқий воҳадир (оазис). Тўдакўлдаги сув аччиқ-шўр ва қисман минералларга тўйинган, шунинг учун денгизга ўхшайди. Бу ерда сиз сузишингиз, куёшда тобланишингиз ва табиат сокинлиги ва гўзалллигидан бахраманд бўлишингиз мумкин.

Нонуштадан сўнг йўлга чиқамиз ва 400 км дан ортиқ чўл ҳудудини босиб ўтиб Хивага етамиз. Одатда хамма бу йўлни тўхтовсиз босиб ўтишга харакат қилади, лекин биз сизни Қизилқум саҳроси билан таништиришга ҳаракат қиламиз. Йўлда биз чўлнинг гўзал жойларида тўхтаб ўтамиз: Газли шаҳарчаси ёнидаги кўлни кўрамиз, Амударё бўйидаги кузатув майдони ва бошқа табиат гўзалликларидан баҳраманд бўламиз.

Нонуштадан кейин Ичан-Қалъа деворлари билан ўралган шаҳарча ичидаги диққатга сазовор жойларини айланиб чиқамиз. Шундан сўнг қадимги Хоразм қалъаларига йўл оламиз – Аёз-Қалъа, Тупрок-Қалъа ва Чилпиқ. Шунингдек Бадай-Тўғай қўриқхонасига ҳам кирамиз. Кечга қадар Нукус шаҳрига етиб борамиз ва ноёб Савицкий музейини айланамиз.

Бу кун сизни қуйидагилар кутмоқда:

• Ичан-Қалъа – бу 26 гектар майдондаги шаҳарчанинг экзотик қиёфаси сақланиб қолган очиқ осмон остидаги музей. Ажабланарлиси шундаки, мажмуа фақат сайёҳлар учун эмас, балки одамлар кундалик яшайдиган жой ҳамдир. У ерда яшайдиганларнинг асосий қисми халқ ҳунармандчилигининг ҳар хил турлари билан шуғулланишади.
• Ислом-Хўжа минораси – энг баланд минорадир, унинг кузатув майдонидан шаҳарнинг ажойиб қиёфаси очилади.
• Аёз-Қалъа – қадимий Хоразмнинг энг катта қалъаларидан бири, Қизилқум саҳросида жойлашган.
• Чилпиқ – зардуштлик даврининг қадимий ёдгорликларидан бири.
• Савицкий мазейи – дунёга машҳур музей, у ерда рассомларнинг катта миқдордаги расмлари тўпланган. Британиянинг “Гуардиан” (“Guardian”) газетаси бу музейни – «дунёдаги энг яхши музейлардан бири», – деб ёзган. Музейда сақланаётган тўпламларга дунёнинг етакчи давлатларидан бўлган кўплаб юқори мартабали одамлар қойил қолишган.

Нонуштадан кейин Борса-Келмас тузли кўлга борамиз ва оппоқ қордек кўлда сайр қиламиз. Кейин Судочи кўлига борамиз ва бир оз дам оламиз, ҳамда кўлдаги қушларни кузатамиз. Шундан сўнг Орол денгизи қирғоғидаги ўтовлар лагерига етамиз.

Бу кун сизни қуйидагилар кутмоқда:

• Борса Келмас оппоқ тузли ботқоқ – бу ерда туз, миллион йиллар олдин бўлган Тетис океани замонларидан бери мавжуд.
• Ўтов лагери – қадимги кўчманчи қабилалар каби яшаб, олов атрофида ўтириб, Орол денгизида куёш ботишини ва осмондаги юлдузларни кузатамиз.
• Кечаси топшириқлар натижалари эълон қилинади ва ғолиблар тақдирланади.

Орол денгизи бўйлаб Саёҳатимизни давом эттирамиз. Аввал Устюрт тепаликлари остига яширинган Қурғончи-Қалъа карвонсаройига ташриф буюрамиз, кейин Чинк дараси бўйлаб ҳаракатланамиз – бу платонинг ажойиб хаёлий қарашларига бурканган ҳақиқий романтика. Бундан ташқари, дафн тошларига қадимий белгилар ва ёзувлар билан ишлов берилган қабристонни кўрамиз.

Бир вақтлар гуллаб яшнаган Муйноқ, балиқ овлаш учун мўлжалланган шаҳарчада ҳозир кемалар қабристонини кўргани борамиз. У ерда жойлашган маҳаллий музейга ташриф буюрамиз, Орол денгизига тегишли қизиқарли маълумотлар, экспонатлар ва расмларни кўриш мумкин. Орол денгизи дунёдаги тўртинчи энг катта кўл бўлган даврдаги ноёб лавҳаларни кўришингиз мумкин.

Бизни йўлда яна ёши 2000 йилдан ошган Маздакхон мақбараси кутмоқда, ундан сўнг Нукус шаҳрига қайтамиз. Саёҳатимиз шу билан якунланади.

Бу кун сизни қуйидагилар кутмоқда:

• Муйнокдаги “Кемалар қабристони” – инсон томонидан яратилган экологик фожиа.
• Орол денгизи музейи – денгиз тубидан олинган экспонатлар ва ноёб фотосуратлар архиви, унда сиз Оролнинг илк суратларини кўришингиз мумкин.
• Маздакхон 2000 йиллик некропол – афсонага кўра Одам Атонинг қабри шу ҳудудда жойлашган.

Саёҳатимиз Нукус шаҳрида якунланишига қарамай, сизга қайтиш йўналиши харитаси ва меҳмонхонага буюртма беришга ёрдам берамиз.

Тошкентга мустақил қайтиш. Биз сизга қисқа ва қулай йўл харитасини берамиз ва сиз билан қайтишингиз режасини тузамиз.